Life as we live it !! .. الحياة كما نعيشها !!
by Ahmed H Capo on Sunday, December 18, 2011 at 10:18pm
طوطو : ايه يا حبيبتي اللي خلاكي تنزلينا في الوقت دة خطر عليكي كدا !!
ميمي : انا من حقي انزل وقت منا عايزة طالما شيفاك بتخلي بكل وعودك
طوطو : حقك طبعا !! مين قال غير كدة وانا من حقي احميكي
ميمي : بتحميني انك بتضربني صح ؟
طوطو : انا !! الكلام دة عار تماما من الصحة يالا روحي وحعملك الي انتي عايزاة يا ستي
ميمي : مش قبل ما اعرف مين البنت الي كانت معاك
طوطو : مين انا !!مع مين ؟
ميمي : متستهبلش كفاية كدة بقي انا شوفت بعيني يا خاين يا غشاش .. للاسف كنت حاسة من الاول انك زيك زي غيرك وانك كداب بس قولت اديك فرصة يمكن تطلع كويس
طوطو : صدقيني محصلش حاجة دة مش انا !!ميمي : متستعبطش انا شوفتك بعيني
طوطو : لا يا حبيبتي صدقيني دة فوتوشوب والله
ميمي : كفاية كدب بقي انا حياتي كلها بقت فوتوشوب ارحمني
طوطو : يا حبيبتي صدقيني محصلش حاجة دي واحدة كانت بتسالني عن الطريق
ميمي : انتا مش قولت من شوية ان دة مكنش انتا !! ولا عشان انتا عارف انك كداب ؟؟
وكنت بتجاوب في بوقها صح ؟
طوطو : لا محصلش صدقيني فيه طرف تالت مصلحته كدة !
ميمي : وفين الطرف التالت دة يا تقولي مين هوا يأما انتا كداب
طوطو : صدقيني انا مش كداب في ايدي خفية
ميمي : واهانتك ديما ليا !!؟
طوطو : طرف تالت
ميمي : وضربك ديما ليا حتي شوف :(
طوطو : لا دة انا كنت بشيل التراب الي عليكي بس
انا قولتلك من اول يوم اطمني وانا هحميكي
ميمي : خلاص كان ممكن اصدقك زمان دلوقتي الوضع اختلف
طوطو : متنسيش انك مقطوعة من شجرة وملكيش حد تشتكيله ايه حتعملي مظاهرة اعملي ياختي؟
ميمي : وانا ممكن افضحك و اقول انك كنت شغال مع اكبر حرامي في مصر
طوطو : لا انا كدة حأذيكي يا حبيبتي انا اقدر اسوء سمعتك واقدر اطلع عليكي كل الكلام حتي لو مش حقيقيميمي : انا عرفاك انتا ديما بتوري اهلك صورة مختلفة عني اني انا اللي بظلمك وبجرحك ومستقوية عليك حتي قدام كل صحابي
كل يوم بتاكل مني حته وتقولي طرف تالت لحد مابقيت حاسة اني حتت لحمه بتترمي لشوية كلاب سعرانة
يا اخي ارحمني بقي وسبني في حالي
انا كنت حبقي كويسة لو من غيرك ارحمنييييييييييييييييييييي
طوطو : انا اسف يا حبيبتي سامحيني شوفتي ان في طرف تاني عايز يوقع بينا
تعالي نخلي صحابك يحكموا لو قالوا نعم هنكمل ولو قالوا لا يبقي حقك اني اسيبيك وتعملي اللي انتي عايزاه وبتداي حياة جديدة
سمعونا رأيكوا كدة ؟؟ريهام : لا
محمود : لا
ايمن : لا
محمد : لا
ميرنا : لا
ميار : لا
طوطو : نعم
شوفتي كلهم قالوا نعم اهوا !! ولو مش عاجبك نعمل استفتاء من جديد :)
والحياة ايه غير شوية استفتاءات وفوتوشوب !!
يسقط يسقط حكم الطوطو
ردحذفكلام في الجووووووووووووووول يا احمد بجد تسلم ايدك ...
in my opinion toto is tantawy and meme is egypt or the rebels :D:D
ردحذفreally thats amazingggggggggggggggggggggggggggg
تحفة يا صديقي :D
SoO True..!!
ردحذفAmaZinG bgd :)
Tu7faaaaaaaaaaaaaaaaaaaaaaa ♥
Ezaay mtl3haa 7lwaa kdaa !!♥
Liiiiiiiiiiike b2aaa (:
Capooooooo !! No Commentt Bgd B2aaaaaaaaaaaaa
ردحذف1st TrUee Gedaaaaaaan Bgddd
2nd Tu7Faaaaaaaaa B2aaaaaaaaaa aweeeeee (:
Likeeeee Aweee B2aaaa ;)
super like ya capoooooooooo ♥ ♥
ردحذف:*
والحياة ايه غير شوية استفتاءات وفوتوشوب !!
ردحذفصدقت
بس كان ناقصها شويه اصابع خارجيه
ردحذف3ash ya capo walahy kalam fel gon 27sn ya ngm 5alena nshof 7agat zy kda tany good job (Y)
ردحذف